Тәртіптік жиналыс

2023 жылғы 19 сәуірде Ж.Қизатов атындағы жоғары ауыл шаруашылығы колледжінде тәртіптік жиналыс өтті, онда колледж білім алушыларының мінез-құлқы мәселелері қаралды. Ұйым басшысы соңғы уақытта студенттердің мінез-құлқына қатысты шағымдар жиі түсе бастағанын атап өтті. Директордың оқу-тәрбие жұмыс жөніндегі орынбасары Г. К. Мусина колледждің ішкі тәртіп ережелерін бұзушылар және осы студенттермен жүргізілген профилактикалық жұмыстар туралы айтып берді. Бөлім меңгерушісі И. А. Смирнов студенттерге колледж жарғысында белгіленген құқықтар мен міндеттер туралы тағы да еске салды. Атап айтқанда: Колледж студенттері құқылы: - ҚР Мемлекеттік білім беру стандарттарына сәйкес білім алуға; - денсаулықты сақтауға және нығайтуға, медициналық қызмет көрсетуге; - оқу кезеңінде белгіленген тәртіппен стипендия алуға үміткер болу; - оқу процесіне қатысты толық ақпарат алуға құқылы. Студент міндетті: - күнделікті сабаққа қатысуға; - мобильді этикетті сақтауға: яғни сабақ кезінде сағат 10.00-ден 17.10-ға дейін ұялы телефонды алдын ала ажыратып, сақтау үшін арнайы бөлінген ұяшықтарға тапсыруға. - оқу жоспарлары мен бағдарламаларында көзделген тапсырмалардың барлық түрлерін белгіленген мерзімде орындауға; - сабаққа үнемі қатысып, кешікпеуге; -колледжге тиісті киіммен келуге, ресми іскерлік стильді сақтауға; - колледж жарғысын сақтауға. - колледждішілік ережелерін, қауіпсіздік техникасы және өрт қауіпсіздігі жөніндегі нұсқаулықтардың талаптарын сақтауға; - қоғамдық орындарда жалпы қабылданған мінез-құлық нормаларын сақтауға; - ішкі тәртіп ережелерін орындауға міндетті. Студенттің колледж жарғысында және ішкі тәртіп ережелерінде көзделген міндеттерді бұзғаны үшін оған оқудан шығарылғанға дейін тәртіптік жаза қолданылуы мүмкін. Колледждің әлеуметтік педагогы С. Г. Коновалова «Адам мен адамның бір-бірімен араласу, өзара қарым- қатынасында ғана адамның адамдығы өзі үшін де, өзгелер үшін де ашылады»,- философ М. М. Бахтиннің сөзімен бастап, тұлғааралық қарым-қатынас мәдениеті мәселелеріне тоқталып, қарым-қатынас мәдениетінде нәзіктік, тәрбие сияқты сапаның болуы маңызды екенін атап көрсетті. Адам баласы өзін-өзі ашпаса, өзін-өзі терең танып білуі мүмкін емес. Сондықтан қазіргі оқу орындарында оқытушылар оқу-тәрбие жұмысымен ғана айналысып қоймай, сапалы да нәтижелі жұмыс болуы үшін білім алушылармен тығыз ынтымақтастықта болу үшін, яғни ол «мұғалім-басшы», «мұғалім-қиналушы», «мұғалім-таныс дос», «мұғалім-компьютер» бола білуі тиіс. Сонда ғана оқытушы мен білім алушы арасында жағымды қарым-қатынас мәдениеті және тығыз ынтымақтастық орнайды. Светлана Геннадьевна этикеттің қарапайым ережелеріне тоқталды, бір-бірін ұятқа қалдыру, қорлайтын лақап есім беру, адам бойындағы кемшіліктерге күлу, құрметсіздік пен дөрекілік көрсету сияқты қылықтарды жасауға болмайтындығын айтты.