31 мамыр - саяси қуғын-сүргін құрбандарын еске алу күні

Жыл сайын 31 мамыр күні Қазақстанда саяси қуғын-сүргін құрбандарын еске алу күні атап өтіледі. Бұл күні осы ұлттық трагедияны еске түсіруге, көптеген қуғын-сүргін құрбандарын еске алуға, сондай-ақ жастардың және бүкіл қоғамның назарын басқа саяси көзқарастары мен сенімдері бар адамдарға төзбеушілік пен зорлық-зомбылық көріністеріне аударуға арналған митингілер, акциялар және түрлі іс-шаралар өткізіледі. Саяси қуғын - сүргін құрбандарын еске алу күні-сталинизм жылдарындағы саяси қуғын-сүргін кезінде қаза тапқан және зардап шеккен адамдарды еске алуға арналған аза тұту акциялары мен естелік іс-шаралар өтетін күн. Қуғын-сүргінге ұшыраған, сол қорқынышты оқиғалар туралы «Ж.Қизатов атындағы жоғары ауыл шаруашылығы колледжі» КМҚК-да деректі фильм көрсетіліп, еске алынды. Іс шараның мақсаты-студенттерді Отанымыздың тарихи өткенімен таныстыру, студенттерді демократия, бостандық, жеке қадір-қасиет, адам құқықтары мен бостандықтарын құрметтеу рухында тәрбиелеу. Бұл қайғылы күн біздің ел тарихындағы ең қайғылы беттердің бірін білдіреді. 1920-53 жылдар аралығында тек Қазақстанда 100 мыңнан астам адам сотталды, 25 мыңға ең жоғары жаза - ату жазасына кесілді. Шын мәнінде, өз мүдделерін қорғаған қазақ халқының зиялы қауымының тұтас ұрпағы жойылды. Жазықсыз жазаланғандардың қатарында мемлекет және қоғам қайраткерлері, ұлт зиялылары болды Қазақстан халқы саяси қуғын-сүргіннен зардап шеккен миллиондаған отандастарды жадында мәңгі сақтайды. Деректі фильмді көру акт залындағы бірде-бір адамды бей-жай қалдырмады. Фильм 2017 жылы саяси қуғын – сүргін құрбандарына арналған алғашқы ұлттық ескерткіштің – «Қайғы қабырғаларының» құрылуы мен ашылу тарихын баяндады. Жастар үшін іс-шара танымдық болды. Іс-шара бір минут үнсіздікпен аяқталды…