

"Мал жұтайды, өнер жұтамайды."
Абай
«Жәлел Қизатов атындағы жоғары ауыл шаруашылығы колледжі» КМҚК Солтүстік Қазақстан облысындағы ең көне оқу орындарының бірі ретінде техникалық және кәсіптік, орта білімнен кейінгі білім беру жүйесінде лайықты орын алады. Білім беру ұйымы бүгінгі күні де төмендегідей негізгі құндылықтарды ұстанады:
- білім алушылардың, оқытушылардың және колледж қызметкерлерінің әл-ауқатын қамтамасыз ету.
- әріптестік пен сенім жағдайында тұлғалық өсу мен кәсіби дамуды қолдау.
- білім беру, ғылыми зерттеулер мен білім сапасы.
- қоғамның болашақ көшбасшыларын жоғары этикалық стандарттарға сәйкес қызмет етуге даярлаудағы әділдік, адалдық және жауапкершілік.
- ашық әрі адал ынтымақтастықты бағалау, түпкілікті нәтижеге қол жеткізу үшін қабылданған шешімдерге жауапкершілікпен қарау.
- қоғаммен, білім алушылардың ата-аналарымен, жұмыс берушілермен, мемлекеттік және мемлекеттік емес ұйымдармен серіктестікті бағалау.
- колледж ішілік және одан тыс барлық адамдарды ұлтына, дініне, жынысына немесе колледж қызметінің мақсаттарына қатысы жоқ басқа да ерекшеліктеріне қарамастан құрметтеу.
- колледждің жоғары беделін және білім беру жүйесі мен жалпы қоғамның дамуына қосқан үлесін бағалау.
Колледжіміздің жүріп өткен жолы 100 жылдан асады. Заманның сан алуан өзгерістерін бастан өткерген оқу орны өз түлектері мен оқытушыларының елеулі істері арқылы тарихта өшпес із қалдырды.
Құрылған кезінен бастап оқу орны өзінің атауын, бағыныстылығын және мекенжайын бірнеше рет ауыстырғанына қарамастан, ең басты құндылығын — білікті мамандарды тәрбиелеу мен даярлаудың даңқты дәстүрлерін сақтай білді.
Бүгінде колледж ауыл шаруашылығы, тамақ өнімдерін өндіру, қызмет көрсету және халық шаруашылығының өзге де маңызды салалары бойынша сұранысқа ие мамандарды даярлайды. Оқу орны жалпы ауданы 11 662 м² құрайтын, оның ішінде оқу ауданы 5092 м² болатын меншікті үш қабатты және екі қабатты ғимараттарда орналасқан. Колледжде 29 кабинет, 14 лаборатория, 5 шеберхана, оқу-өндірістік мал шаруашылығы фермасы, ауданы 391 га оқу алқабы, 2 спорт залы және 1 акт залы, 150 орындық асхана, 100 орындық кітапхана және стадион бар. Басқа елді мекендерден келген студенттердің тұруы үшін 600 орындық 2 жатақхана қарастырылған.

© 2021 "Жәлел Қизатов атындағы жоғары ауыл шаруашылығы колледжі" КМҚК
Пошталық мекен-жайы: 150513, СҚО, Есіл ауданы, Покровка селосы, Строительная көшесі, 49
Телефон: +7 (7154) 323 2 08 Факс: +7 (7154) 323 2 08
E-mail: eshk123@mail.ru
Сайт "Sova.Жедел сайт" жүйесінде жұмыс істейді.
Авторлық құқықты тіркеу туралы куәлік нөмірі 1537, АЖ 0010971, 1 тамыз 2013ж.
"Sova.Жедел сайт" ААЖ лицензиялық нұсқасы. web: www.sova.ws