Ел қорғаны – Қарулы Күштер

«Жалел Қизатов атындағы жоғары ауыл шаруашылығы колледжі» ҚМҚК кітапханасында 7 мамыр – Отан қорғаушылар күніне орай «Ел қорғаны – Қарулы Күштер» атты тарихи сағат ұйымдастырылды.

Іс-шараның мақсаты – Қазақстан Республикасының Қарулы Күштерінің құрылу тарихымен таныстыру, жастар бойында отансүйгіштік пен азаматтық жауапкершілікті қалыптастыру, қазіргі заманғы әскери қызметтің маңыздылығын түсіндіру.

Бағдарлама аясында студенттерге арналған мазмұнды және заманауи форматтағы тапсырмалар ұсынылды:

Ақпараттық бөлім – ҚР Қарулы Күштерінің құрылымы, рәміздері және жетістіктері туралы таныстырылым;

Бейнематериалмен жұмыс – қазақстандық офицердің ерлік жолын баяндайтын бейнеролик көрсету;

«Top ARMIЯ» интерактивті квизі – Quizizz платформасында әскери тақырыптағы сұрақтар бойынша білімін сынау;

«Сарбазға ашық хат» шығармашылық тапсырмасы – студенттер өз алғыстарын білдіретін ашық хаттар жазып, көркемдеді.

Тарихи сағат жылы әрі тәрбиелік сипаттағы атмосферада өтті. Студенттер белсенділік танытып, Отан қорғаушылардың рөлі мен маңыздылығын түсінуге ерекше қызығушылық білдірді.