Солтүстік Қазақстан облысы әкімі Қ.І.Ақсақаловтың «Ж.Қизатов атындағы жоғары ауыл шаруашылығы колледжі» КМҚК-на жұмыс сапары

«Ж.Қизатов атындағы жоғары ауыл шаруашылығы колледжі» КМҚК оқу жабдықтарын жаңғыртуға және сұранысқа ие 100 мамандық бойынша білікті мамандар даярлаудың халықаралық тәжірибесін енгізуге бағытталған «Жас маман» жобасы жүзеге асырылып жатқан өңірдегі оқу орындарының бірі болып табылады.

2021 жылдың 17 қыркүйегінде «Ж.Қизатов атындағы жоғары ауыл шаруашылығы колледжі» КМҚК-на Солтүстік Қазақстан облысының әкімі Құмар Іргебайұлы Ақсақалов келді. Сапар барысында өңір басшысы Қазақстан Республикасының Тұңғыш Президенті Н.Ә.Назарбаевтың 2019 жылғы 23 қаңтардағы Жастар жылының салтанатты ашылу рәсімінде берген тапсырмасына сәйкес жүзеге асырылып жатқан «Жас Маман» жобасының іске асырылуымен танысты.

«Жас маман» республикалық бағдарламасы бойынша 321,6 млн теңгеге жаңа жабдықтар, «Ет және ет өнімдерін өндіру» мамандығы бойынша модульдік мал сою пункті, «Агрономия» және «Сүт және сүт өнімдерін өндіру» мамандықтарына арналған зертханалар, заманауи тракторлар мен комбайндарда жүргізу дағдыларын қалыптастыру, сондай-ақ негізгі ауыл шаруашылығы жұмыстарын тәжірибеде орындау және техникалық қызмет көрсету үшін «Ауыл шаруашылығын механикаландыру» мамандығы бойынша ауыл шаруашылығы техникасы сатып алынады. Бұл біздің оқу орнымыз үшін материалдық базаны кеңейтуге және жақсартуға тамаша мүмкіндік. Халықаралық стандарттарға сай келетін жабдықтар болашақ мамандарды оқытуда жаңа мүмкіндіктер ашады.

Облыс әкімі Қ.Ақсақалов мал союдан бастап ет кесуге және сақтауға дейінгі барлық рәсімдерді жүргізуге болатын модульді мал сою пунктіне барып қайтты. Цех барлық коммуникациялармен, тоңазытқыш камерамен және техникамен жабдықталған. Мұндай мал сою пункттерін қазір өңірдің алдыңғы қатарлы шаруашылықтары пайдаланады. Студенттерге жаңа оқу цехында оқуға мүмкіндік берілді. Әңгіме барысында колледж директоры Б.Ж. Бұғасов жақын арада колледжге жабдықтар жеткізілетінін атап өтті: Ж5-Плава-500 оқу сепараторы, ИПКС-030(Н) май дайындаушы, сондай-ақ ИПКС-0121-6000УФ(Н)-1 сүтті есепке алуға және сүзуге арналған шағын зауыттың өндірістік желісі, ВДП-200 сүтті ұзақ пастерлеу ваннасы, 2,0/20(Н) сүтті ортадан тепкіш сорғы, ОНЦ-1,5/10г гомогенизаторы, сүзбе ванна, сүтті түрлі сүт өнімдеріне өңдеуге арналған НР-1000L құю автоматы. Колледж студенттері мен оқытушылары жаңа жабдықтармен оқу процесі өндірістік жағдайларға барынша жақын болатынына қуанышты.

Содан кейін, Қ.І.Ақсақалов ветеринарлық емханаға барып, «Агрономия» мамандығы бойынша ауа-райының шамалы өзгеруін, температураны, ауа ылғалдылығын, барометрлік қысымды, жауын-шашынды көрсететін, барлық деректер TFT дисплейінің SD картасына экспортталатын сымсыз Wi-Fi метеостанциясымен, майлы және дәнді дақылдар астығының, ұнның және құрамында крахмалы бар басқа да өнімдердің сапа көрсеткіштерін бақылау үшін «Жас маман» жобасын іске асыру шеңберінде түсу санын есептеу аспабы (ТСЕ-7) және Инфраскан-1050 жабдықтарымен таныстырылды, бұл да білім алушылардың заманауи өндірісте жұмыс істеудің кәсіби дағдыларын алуы үшін жақсы база болады.

Заманауи тракторлар мен комбайндарда жүргізу дағдыларын бекіту үшін, сондай-ақ «Ауыл шаруашылығын механикаландыру» мамандығы бойынша негізгі ауыл шаруашылығы жұмыстарын тәжірибелік орындау және техникалық қызмет көрсету үшін әртүрлі мақсаттағы ауыл шаруашылығы техникасы алынды. Енді студенттер жаңа John Deere W430 комбайнында, John Deere 6155м дөңгелекті тракторында және ВГТ 90м шынжыр табанды тракторында машықтанады. Жаңа Astra 5,4 астық сепкіші, ОВС-25 үйінді тазартқыш, «Дон Мар» ЖВП 2009ШГ тіркемелі білікше дестелегіші, жылдамдықты аралас ПСКУ соқасы 5, ГВВ-6а ворошилка тырмасы сатып алынды. Олардың жеңіл басқарылуы, қолайлы еңбек жағдайлары, жоғары өнімділігі ерекше әсер қалдырды. Сондай-ақ, студенттер күзгі дала жұмыстары кезінде жаңа техниканың артықшылықтарын бағалай алады.

Облыс әкімі ауыл шаруашылығы техникасымен таныса, онда білікті кадрлар жұмыс істеуі тиіс екенін және бұл үшін оқу орындарында барлық жағдай жасалатынын атап өтті. Колледждің материалдық-техникалық базасын жаңғыртудың арқасында түлектер заманауи өндіріс жағдайында тез бейімделеді және болашақта білікті, бәсекеге қабілетті мамандар болады.