Өзіне деген сенімділікті дамытуға арналған тренинг

Ж. Қизатов атындағы жоғары ауыл шаруашылығы колледжінде әлеуметтік педагог С.Г. Коновалова студенттерге арналған «Өзіне деген сенімділікті дамыту» тақырыбында тренинг өткізді.

Студенттерге арналған психологиялық тренингтер тұрақты түрде ұйымдастырылып, олардың өзін-өзі бағалауын арттыруға, өздерінің мықты жақтарын тануға, қарым-қатынас мәдениетін қалыптастыруға және эмоционалдық тұрақтылықты дамытуға бағытталған. Аталған сабақтар қатысушыларға сенімді мінез-құлық дағдыларын меңгеруге, сыртқы қысымға қарсы тұруға, мақсат қоя білуге үйретеді. Жасөспірімдердің адекватты өзін-өзі бағалауын қалыптастыру олардың психологиялық әл-ауқаты мен әлеуметтік бейімделуі үшін маңызды. Тренинг форматы студенттерге тиімді қарым-қатынас жасау, өзін-өзі талдау, жеке шекараларын анықтап, қорғау дағдыларын тәжірибе жүзінде қалыптастыруға мүмкіндік берді. Сабақ барысында сенім мен қолдау атмосферасында студенттер ашық пікір алмасып, өз тәжірибелерімен бөлісіп, топтастарынан кері байланыс алды. Сонымен қатар, өздерінің жағымды және жағымсыз қасиеттерін тануға, өзін қабылдауға кедергі келтіретін факторларды анықтауға, күйзеліс пен алаңдаушылықты азайтуға бағытталған жаттығулар қолданылды. Бұл жаттығулар студенттердің өзін-өзі талдау дағдыларын дамытуға және психологиялық кедергілерді жеңуге ықпал етті. Көптеген студенттер өздерінің мықты жақтарын түсіну және жағымсыз ойлармен күресу қабілеті олардың оқу мотивациясын және колледждің қоғамдық өміріне белсенді қатысуын арттырғанын атап өтті.

Кері байланыс нәтижесінде студенттер жағымды эмоциялар алып, қоғамда сенімді мінез-құлық қалыптастыруға қажетті пайдалы білім мен дағдыларды меңгерді.