Өз ісіне адалдық

Жалел Қизатов атындағы жоғары ауыл шаруашылығы колледжі жылдан жылға ауыл шаруашылығы мамандарын оқытып шығарады, олар: агрономдар, ветеринарлық техниктер, техник-механиктер, есепші-экономистер, техник-технологтар, электргаздәнекерлеушілер, орман шеберлері, аспаздар және т.б. біздің түлектер өздерінің барлық күш-жігерін, білімі мен тәжірибесін еңбек қызметінде пайдаланады.

Өмір беріктікті сынаған жағдайда біздің түлектеріміз еңбексүйгіштіктің, табандылықтың және өз ісіне берілгендіктің үлгісі болып қала береді. Колледждің көптеген түлектері оқу бітірген соң Қазақстан Республикасының Қарулы Күштеріне түсіп, өздерінің туған еліне деген патриоттық сезімін және борышын өтеу міндетін дәлелдейді. Әрине, әскери қызмет адамның мінезі мен рухын шыңдайды. Колледж түлектері 2020 жылы Қарағанды қаласының ҚР Ұлттық гвардиясының № 6505 әскери бөліміне шақырылды. Айта кетерлік, № 6505 әскери бөлімінің бөлімшелері Қарағанды облысының барлық дерлік аумағында орналасқан, олар, облыс орталығында, Аршалы, Жезқазғанда, Долинка, Сангородка, Қарабас, Қараған кенттерінде орналасқан.

Бауырластар Дмитрик Дмитрий мен Максим Сангородок кентінде әскери қызметке тағайындалды, олар түзету мекемелерінде қамауға алынған адамдарды күзетеді, сотталғандарды бақылайды және қадағалайды, қоғамдық тәртіпті бұзушылықтарды болдырмайды.

№ 6505 әскери бөлімінің Сангородок кентінде орналасқан кинологиялық бөлімшеде әртүрлі тұқымды 119 ит бар: неміс шопандары, ортаазиялық шопандар (алабайлар). Бұл үлкен күзет иттері жаттығуға жақсы бейімді және тәжірибелі кинологтардың айтуынша, ауа-райына бейімделген. Қызметтік жануарларды ұстау және ветеринариялық қызмет көрсету «Орталық» өңірлік қолбасшылығы медициналық басқармасы ветеринариялық қызметінің бастығы, лейтенант Р.С.Бейсекеевтің жетекшілігімен жүзеге асырылады.

Руслан Сабитович Бейсекеев біздің колледждің «Ветеринария» мамандығының түлегі болып табылады, ол 2007 жылдан бастап 2010 жылға дейін біздің колледжде оқып, 2010 жылдан бастап 2016 жылға дейін П.А.Столопин атындағы Омбы МАУ жоғары білім алды.

Кинологиялық бөлімшеде қызметтік иттерді сақтау және оларды әртүрлі жедел жағдайларда қолдану үшін тұрақты дайындықта ұстау, олардың жұмыс және экстерьерлік сапасын жақсарту бойынша мынадай шаруашылық және зооветеринарлық іс-шаралар жүргізіледі.

Питомниктерде ұсталатын қызметтік иттер күн сайын ветеринариялық тексеруден өтеді. Қарап тексеру кезінде қызметтік иттердің жалпы жай-күйіне назар аударылады, бір мезгілде вольерлердің ветеринариялық-санитариялық жай-күйі бақыланады. Ветеринариялық қызметтер қызметтік иттердегі профилактикалық және емдеу жұмыстарын, аурулардың профилактикасын және оларды жоюды орындайды, қызметтік иттерді диспансерлеу жүргізіледі және қажет болған жағдайда операциялар жасалады, қызметтік иттердің жұмыс қабілеттілігі мен сақталуын қамтамасыз етеді.

Р.С.Бейсекеев және Д.А.Дмитрик, сондай-ақ басқа да әскери қызметшілер қызметтік иттерді диспансеризациялауды орындайды:

- тексеру,

- дегельминтизациялау,

- витаминдеу,

- етқоректілердің құтырмасы мен обасына қарсы вакцинациялау.

Ветеринар мамандығы асыл және сұранысқа ие, бүгінгі таңда «Жалел Қизатов атындағы жоғары ауыл шаруашылығы колледжі» КМҚК-да алуға болатын ең жақсы мамандықтардың бірі.

Кез- келген кәсіптің ең үлкен құндылығы - бұл адамдардың өз кәсібіне деген адалдығы. Біздің колледж түлектерінің өмірде өз орнын тауып, кәсібі бойынша жұмыс істегеніне қуаныштымыз.