Дүниежүзілік туберкулезге қарсы күрес күні

27 ақпан күні Дүниежүзілік туберкулезге қарсы күрес күніне орай «Жәлел Қизатов атындағы жоғары ауыл шаруашылығы колледжі» КМҚК студенттермен профилактикалық әңгіме өткізілді. Дүниежүзілік туберкулезге қарсы күрес күнінің мақсаты – халықты аталған ауру туралы кеңінен ақпараттандыру, медициналық көмекке уақытылы жүгінудің маңыздылығын түсіндіру, сондай-ақ балалар мен жасөспірімдер арасында салауатты өмір салтын насихаттау.

Әңгіме барысында колледждің медицина қызметкері А.К.Капарова туберкулездің қауіпті жұқпалы ауру екенін түсіндіріп, оның жұғуына әсер ететін факторлар туралы айтып, аурудың негізгі клиникалық белгілерін түсіндірді. Сонымен қатар, әлеуметтік педагог С.Г. Коновалова және А.К. Капарова өз сөздерінде туберкулездің алдын алу, диагностикасы және емдеу мәселелеріне ерекше назар аударды. Олар қазіргі туберкулездің ерекшеліктерін атап өтіп, оның АИТВ/ЖИТС сияқты кең таралған аурулармен байланысын да түсіндірді.

Студенттер бұл аурудың қаншалықты қауіпті екенін, туберкулездің қалай жұғатынын және оның алдын алуда пайдалы әдеттердің маңызы зор екенін білді. Әңгіме барысында жеке бас гигиенасын сақтау, күн тәртібін дұрыс ұйымдастыру, таза ауада серуендеу, спорттық және қозғалыс ойындарына қатысу, дұрыс тамақтану сияқты маңызды мәселелер сөз болды.

Әлеуметтік педагог студенттер үшін аурудың алдын алуда салауатты өмір салтын ұстанудың маңызы зор екенін атап өтті.